اکبر ایس بابر کے تہلکہ خیز انکشافات

صوابی (ویب ڈیسک) پاکستان تحریک انصاف کے بانی رہنما اور فارن فنڈنگ کیس کے پٹیشنر اکبر ایس بابر نے دعویٰ کیا ہے کہ وزیراعظم عمران خان کے ایک معتمد خاص نے چند ہفتے قبل رابطہ کیا اور پیغام دیا گیا کہ میں فارن فنڈنگ کیس سے دستبردار ہو جاؤں،بدلے میں پسند کا کوئی بھی حکومتی یا پارٹی

عہدہ دینے کی پیشکش کی گئی۔اکبر ایس بابر نے دعویٰ کیا کہ میں نے یہ پیشکش مسترد کردی اور کہاکسی ذاتی مفاد، حکومتی یا پارٹی عہدے کیلئے میدان میں نہیں نکلا۔صوبہ خیبرپختونخوا کے شہر صوابی میں تحریک انصاف کے نظریاتی رہنماؤں اور کارکنان کا پہلا مشاورتی اجلاس ہوا جس میں اکبر ایس بابر سمیت کئی کارکنوں نے شرکت کی جبکہ اجلاس میں فیصلہ کیا گیا کہ ملک بھر میں پارٹی کے نظریاتی رہنماؤں اور کارکنان سے رابطہ کیا جائے گا۔اجلاس میں فیصلہ کیا گیا کہ پارٹی کی قیادت نظریاتی و بانی رہنما اور کارکنان سنبھالیں۔اجلاس سے پی ٹی آئی کے بانی رہنما اور فارن فنڈنگ کیس کے پٹیشنر اکبر ایس بابر نے بھی خطاب کیا۔

Comments are closed.