بڑی تبدیلی کی خبر

اسلام آباد (ویب ڈیسک) وفاقی کابینہ میں بڑے پیمانے پر رد و بدل ، اہم وزارتوں اور قلمدانوں میں تبدیلی آگئی ، خبروں کے مطابق وفاقی وزیر شیخ رشید سے وزارت ریلوے کا منصب لے کر وزیرِ داخلہ بنا دیا گیا ہے، ان کی جگہ وزارتِ ریلوے اعظم سواتی کو دے دی گئی ہے۔اعجاز شاہ سے وزارتِ داخلہ

واپس لے لی گئی جبکہ دوسری جانب آج صبح وفاقی وزیر کا حلف اٹھانے والے عبدالحفیظ شیخ کو وفاقی وزیرِ خزانہ کا قلم دان دے دیا گیا ہے۔عبدالحفیظ شیخ سے صدر مملکت ڈاکٹر عارف علوی نے ایوانِ صدر اسلام آباد میں منعقدہ تقریب میں حلف لیا۔ذرائع کا کہنا ہے کہ حفیظ شیخ کے بعد مشیر تجارت عبدالرزاق داؤد اور معاونِ خصوصی برائے صحت ڈاکٹر فیصل سلطان کو بھی 6 ماہ کے لیے وفاقی وزیر بنانے کا امکان ہے۔ذرائع نے یہ بھی بتایا ہے کہ وزیرِ اعظم عمران خان آئین کے تحت کسی غیر منتخب شخص کو 6 ماہ کے لیے وفاقی وزیر مقرر کرسکتے ہیں۔عبدالحفیظ شیخ، عبدالرزاق داؤد اور ڈاکٹر فیصل سلطان کو مارچ 2021ء میں سینیٹر بنائے جانے کا امکان ہے، سینیٹر منتخب ہونے کے بعد تینوں مشیر وفاقی وزیر بن سکتے ہیں۔

Comments are closed.