بڑے لوگوں کی بڑی باتیں :

ممبئی(ویب ڈیسک)بالی ووڈ اداکارہ دپیکا پڈوکون نے میسجز پر مغلطات دینے والے شخص کو جواب دیا ہے۔ فنکاروں کی زندگی اتنی بھی آسان نہیں ہوتی جہاں انہیں مداحوں سے بے حد پیار ملتا ہے وہیں چند لوگوں کی جانب سے تنقید بھی برداشت کرنی پڑتی ہے۔ اور سوشل میڈیا کے آنے کے بعد تو لوگ

براہ راست فنکاروں پر نہ صرف تنقید کرتے ہیں بلکہ انہیں ایسے پیغامات بھی بھیجتے ہیں جن میں تضحیک آمیز الفاظ ہوتے ہیں۔ بعض اوقات فنکار ان تضحیک آمیز پیغامات کو نظرانداز کردیتے ہیں اور جب برداشت سے باہر ہوجائے تو جواب بھی دے دیتے ہیں۔ حال ہی میں اداکارہ دپیکا پڈوکون کے ساتھ بھی ایسا ہی ہوا۔بھارتی میڈیا کے مطابق دپیکا پڈوکون کو ساحل شاہ نامی شخص نےانسٹاگرام ڈی ایم (میسجز)پر مغلطات لکھ کر بھیجی۔ دپیکا پڈوکون نے اس پیغام کا اسکرین شاٹ لے کر اسے اپنی انسٹاگرام اسٹوری پر شیئر کیا اور اس کے ساتھ ہی انہوں نے مغلطات دینے والے شخص کو طنزیہ جواب دیتے ہوئے کہا ’’واہ آپ کے گھروالوں اور دوستوں کو آپ پر بے حد ناز ہوگا۔‘‘

Sharing is caring!

Leave a Reply

Your email address will not be published. Required fields are marked *