حنا پرویز بٹ نے وزیراعظم عمران خان کے لیے ان الفاظ کا استعمال کیوں کیا ؟

لاہور (ویب ڈیسک) مسلم لیگ ن کی رکن پنجاب اسمبلی حنا پرویز بٹ نے کہا ہے کہ وزیراعظم عمران خان نے مریم نواز کے لئے جو الفاظ استعمال کئے اس سےان کی گندی ذہنیت ظاہر ہو گئی ہے، وزیر اعظم عمران خان کے خلاف پنجاب اسمبلی میں قرار داد جمع کرانے کا اعلان کردیا۔

ٹوئٹر پر اپنے پیغام میں حنا پرویز بٹ نے کہا کہ ” گندی ذہنیت والے عمران خان کے ذہن کا گند آج باہر آگیا۔یہ شخص وزیراعظم تو کیا چپڑاسی بننے کے لائق بھی نہیں تھا۔ نیازی نے جو الفاظ مریم بی بی کیلئے استعمال کئے اس کی شدید مذمت کرتی ہوں اور کل پنجاب اسمبلی میں مذمتی قرارداد بھی جمع کراؤں گی۔”خیال رہے کہ جناح کنونشن سنٹر اسلام آباد میں ٹائیگر فورس کی تقریب سے خطاب کرتے ہوئے وزیر اعظم عمران خان نے نام لیے بغیر مریم نواز کو تنقید کا نشانہ بنایا تھا ۔انہوں نے کہا تھا کہ میں دو بچوں کی تقریر پر بات نہیں کرنا چاہتا، ایک ان میں سے نانی ہو گئی ہے لیکن میرے لئے بچے ہی ہیں، انسان جب تک زندگی میں محنت نہیں کرتا، وہ لیڈر بن ہی نہیں سکتا، ان دو بچوں نے آج تک زندگی میں ایک گھنٹہ حلال کا کام نہیں کیا لیکن آج لیکچر دے رہے ہیں، دونوں نے اپنی زندگی میں پیسے بنانے کیلئے ایک گھنٹہ بھی حلال کا کام نہیں کیا اور اپنے باپ کی حرام کمائی پر پلے، ان پر تبصرہ کرنا فضول ہے۔دوسری جانب ایک اور خبر کے مطابق مریم نواز نے مریم نواز نے کہاکہ ہم پہلے بھی وی آئی پی طریقے سے قید میں نہیں رہے،عمران خان سے ہمارا کوئی مقابلہ نہیں ،یہ بڑوں کی لڑائی ہے۔

Sharing is caring!

Leave a Reply

Your email address will not be published. Required fields are marked *