غلام سرور خان نے نیا کٹا کھول دیا

لاہور (ویب ڈیسک) وفاقی کابینہ اجلاس میں وزیراعظم عمران خان اور وفاقی وزیر غلام سرور کے درمیان رنگ روڈ معاملے پر بات چیت ہوئی۔وزیراعظم عمران خان کی زیر صدارت وفاقی کابینہ اجلاس کی اندرونی کہانی سامنےآگئی ہے۔ذرائع کے مطابق دوران اجلاس وزیراعظم عمران خان اور وفاقی وزیر غلام سرور کے درمیان راولپنڈی کے رنگ روڈ اسکینڈل

پر بات چیت ہوئی۔وزیراعظم نے وفاقی وزیر کو مخاطب کرکے کہا کہ آپ نے رنگ روڈ پر پریس کانفرنس کرکے اچھا نہیں کیا۔جس پر غلام سرور نے عمران خان کو جواب دیا کہ چار ٹی وی چینلز نے رنگ روڈ اسکینڈل میں غلط طور پر میرا نام لیا، جس کے بعد میری پریس کانفرنس ضروری تھی۔وفاقی وزیر نے مزید کہا کہ میرا رنگ روڈ معاملے سے کوئی تعلق نہیں مگر پھر بھی مجھے اس میں گھسیٹا گیا۔اس پر وزیراعظم عمران خان نے کہاکہ اس معاملے پر پنجاب حکومت کے انسداد بدعنوانی ڈپارٹمنٹ کو انکوائری دے دی گئی ہے۔ذرائع کے مطابق وفاقی وزیر غلام سرور نے پنجاب حکومت کے رنگ روڈ انکوائری کے لیے جاری ٹی او آر ز پر اعتراض کیا، وہ کابینہ اجلاس میں اس ایشو پر 4 مرتبہ بولے۔وزیراعظم عمران نے بلآخر وفاقی وزیر غلام سرور کو جواب دیتے ہوئے کہا کہ انکوائری آپ کے خلاف نہیں ہے۔

Comments are closed.