مہنگائی کا جن حکومت کے کنٹرول سے باہر :

اسلام آباد (ویب ڈیسک) ملک میں مہنگائی حکومت کے کنٹرول سے باہر ہوگئی، مسلسل چوتھے ہفتے بھی اضافہ ریکاڈ کیا گیا، ایک ہفتے کے دوران شرح 0.81فیصد بڑھ گئی۔ادارہ شماریات کی رپورٹ کے مطابق ہفتہ وار مہنگائی کی شرح 9.17 فیصد ہو گئی، ملک میں چینی اور آٹے کی قیمتوں میں دوبارہ اضافے

کا سلسلہ شروع ہو گیا، ایک ہفتے میں چینی کی اوسط قیمت 3 روپے 37 پیسے فی کلو بڑھ گئی۔ چینی کی اوسط قیمت بڑھ کر 93 روپے 59 پیسے فی کلو ہوگئی۔ا آٹے کا 20 کلو کا تھیلا 23 روپے 88 پیسے مہنگا ہوگیا، تھیلا 970 روپے 18 پیسے کا ہوگیا۔ ایک ہفتے میں مرغی 11 روپے 47 پیسے فی کلو مہنگی ہوگئی۔ انڈے فی درجن 6 روپے 80 پیسے مہنگے ہوئے۔ گھی کا اڑھائی کلو کا ڈبہ 9 روپے 75 پیسے مہنگا ہوا۔ رپورٹ کے مطابق کیلے فی درجن 3 روپے 93 پیسے مہنگے ہوگئے۔ دال چنا ایک روپے 96 پیسے فی کلو مہنگی ہوئی۔ حالیہ ہفتے دال ماش,دال مونگ,دال مسور,چاول بھی مہنگے ہوئے۔ ایک ہفتے میں 24 اشیائے ضروریہ مہنگی ہوئیں۔ ایک ہفتے میں 6 اشیائے ضروریہ کی قیمتوں میں کمی ہوئی۔ ٹماٹر 7 روپے 50 پیسے فی کلو سستے ہوئے۔ آلو ایک روپے 47 پیسے فی کلو سستے ہوئے۔ ایل پی جی کا گھریلو سلنڈر 34 روپے 20 پیسے سستا ہوا۔ پیاز 64 پیسے فی کلو سستے ہوئے۔ گذشتہ ہفتے لہسن اور گڑ بھی سستا ہوا۔ ایک ہفتے میں 21 اشیاء کی قیمتوں میں استحکام رہا۔

Comments are closed.