نور بخاری کی ننھی پری شہر بانو کی تصاویر سامنے آگئیں

لاہور (ویب ڈیسک) نامور سابقہ پاکستانی اداکارہ نور بخاری نے آخر کار اپنی چھوٹی بیٹی ’شہربانو‘ کی تصویر سوشل میڈیا پر شیئر کردی ہے ۔شوبز کی رنگینیوں کو خیر باد کہہ کر باقی کی زندگی اسلامی تعلیمات کے لیے وقف کردینے والی نور بخاری نے اپنی چھوٹی بیٹی ’شہربانو‘ کی پہلی سالگرہ کے

موقع پر اپنے انسٹاگرام اکاؤنٹ خصوصی پوسٹ کی ہے۔نور بخاری نے اپنی انسٹا پوسٹ میں اپنی چھوٹی بیٹی شہربانو کی پہلی تصویر شیئر کی ہے اور اُس کے ساتھ بیٹی سے اظہارِ محبت کرنے کے لیے ایک پیغام بھی جاری کیا ہے۔تصویر میں نور بخاری کی بیٹی خوبصورت سی گلابی فراک میں ملبوس ہیں جبکہ اُن کے اردگرد بہت غبارے بھی موجود ہیں۔سابقہ اداکارہ نے اپنے پیغام میں کہا کہ ’میری پیاری بیٹی! میں الفاظ میں بیان نہیں کرسکتی ہوں کہ تمہیں اپنی زندگی میں پانا، میرے لیے کتنی بڑی خوش قسمتی ہے۔‘اُنہوں نے کہا کہ ’میری شہربانو اللّہ تعالیٰ تمہیں شیطان کے شر سے محفوظ رکھے اور تم ہمیشہ ایک ستارے کی طرح چمکتی رہو۔‘نور بخاری نے مزید کہا کہ ’تمہیں دُنیا و آخرت میں بلندی ملے، آمین۔‘اس کے علاوہ نور بخاری نے انسٹاگرام پر مختلف اسٹوریز بھی شیئر کیں جن میں اُنہوں نے شہربانو کے کیک کی تصویر شیئر کی اور اُس جگہ کی بھی تصویر شیئر کی جہاں اُنہوں نے بیٹی کی سالگرہ منائی۔انہی تصویروں کے ساتھ نور بخاری نے اپنی بیٹی شہربانو کی پہلی جھلک بھی مداحوں کو دکھائی ہے۔نور بخاری نے انسٹا اسٹوری میں بیٹی کی پہلی تصویر شیئر کرتے ہوئے لکھا کہ ’اپنی بہن اور مداحوں سے کیے گئے وعدے کو پورا کرتے ہوئے آج میں نے شہربانو کی پہلی تصویر سوشل میڈیا پر شیئر کی ہے۔‘سابقہ اداکارہ نے کہا کہ ’براہِ کرم میری بیٹی کو اپنی دعاؤں میں یاد رکھیں۔‘واضح رہے کہ نور بخاری کے ہاں گزشتہ سال بیٹی کی پیدائش ہوئی تھی۔پاکستان فلم انڈسٹری کو خیرباد کہہ کر نور بخاری گزشتہ کئی عرصے سے اپنے زندگی اسلامی تعلیمات کے مطابق بسر کررہی ہیں۔

Sharing is caring!

Leave a Reply

Your email address will not be published. Required fields are marked *