پاکستان کے ایک اہم ترین شہر میں 3 دن کے لیے موبائل سروس بند رکھے جانے کا امکان

اسلام آباد (ویب ڈیسک)وفاقی دارالحکومت اسلام آباد میں آج رات بارہ بجے سے تین دن کے لیے موبائل فون سروسز بند کرنے پر غور شروع کردیا گیا۔حکومت او آئی سی کانفرنس کے موقع حفاظتی نکتہ نظر سے موبائل فون بند رکھنے کے فیصلے پر غور کر رہی ہے۔وزارت داخلہ نے پی ٹی اے کو موبائل فون سروسز

بند کرنے کے لیے تیار رہنے کی ہدایت کردی ہے۔دوسری جانب موبائل فون سروس کی بندش سے متعلق وزیر داخلہ شیخ رشید کا بیان بھی آ گیا ہے۔انہوں نے کہا ہے کہ اسلام آباد میں او آئی سی وزراء خارجہ کانفرنس کے سلسلے میں موبائل سروس بند کرنے کا سوچا جا رہا ہے اس حوالے سے مشاورت ابھی تک جاری ہے۔انہوں نے کہا کہ مکمل مشاورت کے بعد موبائل سروس بندش کے اوقات اور ایام کا فیصلہ کرلیا جائے گا۔

Comments are closed.