ڈرامہ تھیٹر میں اداکاراؤں کی خفیہ نازیبا ویڈیوز کس سینئر اداکارہ نے بنوائیں ؟

لاہور (ویب ڈیسک) خفیہ کیمرے سے سٹیج اداکاراؤں کی نازیبا ویڈیوز بنانے والے ملزم کا کہنا ہے کہ اس نے سینئر اداکارہ خوشبو خان کے کہنے پر اداکاراؤں کی ویڈیوز بنائیں۔نجی ٹی وی چینل کی رپورٹ کے مطابق سٹیج اداکاراؤں کی خفیہ ویڈیوز بنا کر وائرل کرنے والے ملزم کو گرفتار کرلیا گیا ہے۔

ملزم کی شناخت کاشف چن کے نام سے ہوئی ہے جو ایکسٹرا جونیئر اداکار ہے۔ ملزم نے دورانِ تفتیش انکشاف کیا ہے کہ اسے سینئر اداکارہ خوشبو خان نے ویڈیوز بنانے کا کہا اور اس کیلئے پیسے بھی دیے۔ اداکارہ نے موبائل فون میں ایک ایپلی کیشن بھی انسٹال کرکے دی جس سے خفیہ ویڈیو بنتی ہے۔فیڈرل انویسٹی گیشن ایجنسی (ایف آئی اے) نے ملزم کا موبائل فون فرانزک تجزیے کیلئے بھجوا دیا ہے۔خیال رہے کہ اس سے قبل شالیمار تھیٹر بھٹہ چوک میں کام کرنے والی اداکاراؤں کی میک اپ روم میں خفیہ کیمرے سے ریکارڈ کی گئی ویڈیوز سامنے آئی تھیں جس پر متاثرہ اداکاروں نے ایف آئی اے سے رجوع کیا تھا۔

Comments are closed.